नेपाल प्रहरी र सशस्त्र पह्ररी दुवै बल हुन । राज्यले आवश्यक परेको बेला निश्चित विधि र प्रक्रिया अवलम्बन गरी बलको प्रयोग गर्दछ । सबै सुरक्षा बल राज्यको अख्तियारी सुनिश्चित गर्ने क्रममा आवश्यकता अनुसार प्रयोगमा आउँछन् र आउनुपर्छ । प्रहरी सङ्गठनलाई बलका रूपमा राज्यबाट जुन शक्ति प्राप्त हुन्छ, त्यसका प्रयोग सर्वसाधारण जनता र समाजको बृहत्तर हितका लागि हुनुपर्दछ । राज्यले आफ्नो सुरक्षा बलको प्रयोग गरी सुरक्षित रूपमा जिउन पाउने नागरिकको आधारभूत अधिकार प्रत्याभतू गर्नुपर्दछ । आपराधिक क्रियाकलाप बढ्दै जाने, हिंसात्मक वा विध्वंसात्मक गतिविधिहरू देखापर्ने, देशमा बेथिति मौलाउने, जोर जबर्जस्ती वा धम्कीका आडमा नागरिकहरूलाई भयग्रस्त तुल्याउने अवस्थामा समाजमा शान्ति सव्ुयवस्था बहाल हुन सक्दैन । त्यसो भएको खण्डमा नागरिकले गरिखान पाउने वातावरणको सर्वथा अभाव हुन्छ । यो स्थितिको निवारणमा नेपाल प्रहरीले अग्रपंक्तिमा रहेर कार्य सम्पादन गर्नुपर्ने हुन्छ ।
श्रीकान्त रेग्मी, कसौटीमा नेपाल प्रहरी, प्रकाशनः सुरक्षा न्याय अध्ययन केन्द्र, प्रथम संस्करण २०७०
