छाउगोठ भत्काउँदा प्रहरी कुटिए
अछाम — अछाममा छाउगोठ भत्काउने अभियानमा खटिएका
प्रहरीका अनुभव नमिठा छन् । थोरैले साथ दिएका छन् भने धेरैले अवरोध गरिरहेका छन् ।
छाउगोठ भत्काउँदा शनिबार एक प्रहरी हवल्दार
कुटएिका छन् । बान्नीगढी जयगढ गाउँपालिका–३ धारासैनको लामागाउँ टोलकी एक महिलाले प्रहरी चौकी जगढका हवल्दार धनबहादुर कैलालाई भैंसी बाँध्ने किलाले हिर्काएकी हुन् ।
घटनामा उनको ढाडमा चोट
लागेको छ । ‘छाउगोठ भत्काउँदा देउता आएको भन्दै ती महिलाले प्रहरीमाथि हातपात गरेकी हुन्,’ अछामका प्रहरी प्रमुख दीपक भारतीले भने, ‘उनलाई नियन्त्रणमा लिएर सार्वजनिक
अपराधअन्तर्गत मुद्दा चलाउने तयारी भइरहेको छ ।’ छाउगोठ भत्काउन जाँदा असहयोग गर्नेलाई प्रहरीले पक्राउ गरिरहेको छ ।
चौरपाटी गाउँपालिका–४ पायलस्थित
मष्टामाडौं आधारभूत विद्यालयका शिक्षक खम्मसिंह धामी पक्राउ परेका छन् । छाउगोठ भत्काउन असहयोग गरेको र वडाध्यक्षलाई जातीय गालीगलौज गरेको उजुरी आएपछि उनलाई प्रहरीले शुक्रबार पक्राउ गरेको हो । उनीविरुद्ध प्रहरीले मुद्दा नै दर्ता गरेको छ । वडाध्यक्ष हर्क लोहारले प्रहरीमा उजुरी दिएका थिए । नेपाल शिक्षक संघ चौरपाटी गाउँपालिकाले भने झूटो आरोप लगाई धामीको चरित्र हत्या गरिएको आरोप लगाएको छ ।
अछाममा अभियान सुरु
गरेको डेढ महिनामा अछाममा ४ हजार ७ सय ३३ छाउगोठ भत्काइएका छन् । छाउ बार्न गोठमा बसेका बेला गत
मंसिर १५ को राति साँफेबगर–३ सिद्धेश्वरकी २१ वर्षीया पार्वती बुढा रावतको मृत्यु
भएको थियो । उक्त घटनापछि संघीय सरकारले छाउगोठ हटाउने अभियान चलाएको छ ।
प्रकाशित : माघ २०, २०७६
०८:४८
