प्रकृतिको वरदान नेपाल प्राकृतिक विविधताले भरिपूर्ण छ । यहाँ विविध किसिमको भू—बनोट छ र सोही अनुसार जलवायु एवं सूक्ष्म–जलवायु पाइन्छ । भू–बनोट एवं जलवायु अनुसार विभिन्न प्रकारका वनस्पति तथा बाली–नालीहरुले नेपाललाई सिंगारेका छन् र सम्मृद्ध बनाएका छन् । फलफूलहरु पनि जलवायु अनुसार विभिन्न प्रकारका यहाँ पाइन्छन् । मुलुकको उत्तर–पश्चिम मध्य–पहाडी क्षेत्रमा समशीतोष्ण जलवायु(Warm Temperate climate) छ र यहाँ वर्षा पनि कम हुन्छ । यसै क्षेत्रमा मात्र पाइने रैथाने जातको जङ्गली जैतुन–लौंठो (Olea cuspidate) परापूर्व कालदेखि प्राकृतिक रुपमा पहाडको १००० मिटर देखि २३०० मिटरको उचाईमा हुर्कदै–फैलिदै आएको देखिन्छ । युरोपियन जातको विकसित जैतुन (Olea europaea) ३०० –४५० उत्तरी वा दक्षिणी अक्षांश भित्र पर्ने मुलुकहरुमा खेती गरिदै आएको पाइन्छ । नेपालमा यसको खेति बाजुरा र डोल्पा जिल्लाहरूमा गरिन्छ ।
जैतुन तेल एवं फलको नियमित सेवनले –१। मुटु सम्बन्धी रोगहरु, उच्च रक्तचाप र मधुमेह रोगलाई नियन्त्रण एवं नियमित गर्छ ।
२। रोग प्रतिरोधी क्षमता (Immune system) बढाउँछ ।
३। बिर्सने (Dimensia) अल्जाइमर रोग र रगत जम्ने (Blood clotting) रोग नियन्त्रण गर्छ । ४। बूढो हुने गति (Aging) कम गराउँछ ।
५। अर्बुद (Cancer) रोग लाग्नबाट बचाउन मद्दत गर्छ ।
६। खानाबाट भिटामिन (A, D, E and K) सोसेर लिन र खाना पचाउन मद्दत गर्छ ।
७। क्याल्सियम चुहावट हुन रोक्छ र हाड बलियो बनाउँछ ।
८। पत्थरी लाग्न नदिन मद्दत गर्छ ।
९। मस्तिष्कको बिकासमा सहयोग पु¥याउँछ ।
१०। कोलेस्टेरोल (रगतमा जमेको बोसोका कणहरु) कम गराउँछ ।
११। जैतुनको तेलमा बढी मात्रामा मोनो अनस्याचुरेटेड प्mयाटी एसिड (Mono unsaturated fatty acid) ८० प्रतिशतसम्म पाईन्छ । यसको सेवनबाट कोलेस्टेरोल (Cholesterol) बढ्दैन ।
१२। अनुहारमा चाउरी पर्न नदिन, छाला र कपालका रौंहरु स्वस्थ राख्न मद्दत गर्छ ।
१३। कोषिका बृद्धि गर्न र घाउ छिटो पुरिन मद्दत गर्छ ।
१४। काखीको दुर्गन्ध हटाउन र रोगका जीवाणु नष्ट गर्न मद्दत गर्छ ।
