खोकनामा सिकाली जात्रा
काठमाडौँ — ललितपुरको खोकनामा मंगलबारबाट
विधिवत रुपमा सिकाली जात्रा सुरु हुँदैछ । यहाँका स्थानीयले दशैको सट्टा सिकाली जात्रा
मनाउँछन् ।
जात्रा सप्तमीसम्म चल्छ । खोकनामा मुख्य तगु, सलागु र जगु गरी तीनवटा गुठी छन् ।
जात्राको पहिलो दिन तगु
र सला गुठीका ४/४ जना कुमार केटा नुहाएर चोखो लुगा लगाई उपवास बस्छन् । आ–आफ्नो गुठीका मुख्य थकालीबाट पूजा सामग्री
लिई बस्तीभन्दा पर सिकाली चौरस्थित सिकाली देवीलाई विधिपूर्वक नृत्य र गोप्य पूजा
गर्छन् ।
स्थानीय रुद्रायणी
गुठीका बैदार बेखनर महर्जनका अनुसार खोकनावासीले दसैंका रुपमा जनैपूर्णिमा मनाउने
गरेका छन् ।
जात्राको पहिलो दिन तीनै
गुठीबाट एक/एक वटा राँगा ढोकासी (टोल) चो फल्चा (पाटी) अगाडि बलि दिई बेलुका
सिकाली देवीलाई प्रसाद चढाउने गरिन्छ । यस दिनलाई नेपाल भाषामा ‘छोएला बु’ आ–आफ्नो
गुठीमा उत्सवन मनाउँने गर्छन् ।प्रकाशित : आश्विन
१३, २०७६ १९:५९
