हतुवागढीमा साहित्यिक रौनक
धनकुटा — असारको महिना भित्रिसक्दा पनि भुईं
कुहिरोले मौसम ठन्डा बनाएको थियो । झन्डै १४ सय मिटर उचाइको भोजपुरको दक्षिणी क्षेत्र घोरेटार हतुवागढीस्थित फलामढुंगाको मौसमलाई भने गीत, नृत्य र साहित्यिक जमघटले खुबै ततायो ।
हतुवागढी कला साहित्य
तथा सांस्कृतिक प्रतिष्ठानले आयोजना गरेको चारदिने महोत्सवमा सर्वसाधारणको जमघट
खचाखच थियो । त्यस अवसरमा मुलुकभरका मात्रै होइन, भारतका
समेत कलाकार, साहित्यकारको
प्रस्तुति थियो । विशेष गरी स्थानीय स्तरका कलाकार र हतुवागढी क्षेत्रमा जन्मिएर मुलुकमा स्थापित कला, भाषा र संस्कृतिका क्षेत्रमा योगदान पुर्याउने
स्रष्टा सहभागी थिए । कार्यक्रमस्थल आसपासका घोरेटार, रानीबास, पूर्णे, वयाङ, सिन्द्राङलगायतका सर्वसाधारणको उपस्थिति बेसी
थियो ।
भर्खरै सफल भएको छ
बाध्यता मृत्युको
हाँगामा झुन्ड्याउन
एक सुस्केरा जिन्दगी
उसरी नै सफल भएको छ एक
जोडी आँखा परेलीमा
झुन्ड्याउन
केही थोपा पीडा
के ऊ यसरी आफूलाई
झुन्ड्याउन सक्ला ?
अस्तित्वको लहरामा
ऊ अर्थात देशप्रेमी ।
प्रतियोगितामा
तेह्रथुमका कवि इन्दु केसीको कफनमा फिरेको देश शीर्षकको कविता दोस्रो भएको छ । उनले १० हजार रुपैयाँ पुरस्कार प्राप्त गरिन् ।
